amrbrans2009

منتديات عمرو البرنس للافلام والالعاب والبرامج الحديثه
 
الرئيسيةالرئيسية  44  اليوميةاليومية  مكتبة الصورمكتبة الصور  س .و .جس .و .ج  بحـثبحـث  قائمة الاعضاءقائمة الاعضاء  المجموعاتالمجموعات  التسجيلالتسجيل  دخول  

شاطر | 
 

 مناقشة عن النوكيا (خط انتاج الصين ) ..أرجو التثبيت

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
المدير العام
المدير العام


عدد الرسائل : 724
تاريخ التسجيل : 07/11/2008

مُساهمةموضوع: مناقشة عن النوكيا (خط انتاج الصين ) ..أرجو التثبيت   السبت نوفمبر 08, 2008 8:18 am

الموضوع كله إني كنت ماشي أنا وواحد صحبي في السوق ودار بينا الحوار دا فقلت أستشيركم .....
*اسكت يابو حميد مش أنا إمبارح نزلت أشتريn82 ملقتش منه خالص ...

-ملقتش منه خالص إزاي يابني ماهو مالي السوق أهوه ..
*ياعم دا كل اللي ماللي السوق صيني ...
-آه صحيح عندك حق الأجهزة الصيني ملت البلد وأسعارها بقت في الأرض ...
*آه والله ...دا حتى منزلين الموبايل ب 2450 جنيه ...وزي الفنلدي بالظبط
- آآآآآآه إنتا قصدك على دا ..دا ياعم نوكيا برده ...أصل نوكيا فتحت خط إنتاج جديد في الصين ...
*ياااااراجل ...بس برده صيني ...أنا عمري ما اشتري نوكيا صيني أبدا ...أنا إتفقت مع واحد صحبي هيجيبلي الفنلندي الأصلي ب 2800 وهو الصراحة هيخدمني خدمة جامدة جدا ...
-ياعم والله مش هتفرق انتا بتشتري الموبايل من شركة نوكيا مش من الصين (إنتا مالك ومال صنع فين ..إنتا ليك انه بضمان نوكيا )
*لأ يا عم أمال صاحبي دا هيجيبلي الموبايل الفنلندي الأصلي دا منين
- على فكرة مفيش حاجة إسمها فنلدني أصلي والكلام دا كله ......أنا هقولك الحكاية كلها
*قوول يا ابو العريف .....
-بص يا سيدي .....نجيـــــــــب الحكاية من الأول
-الحكاية ان نوكيا كانت زمان عندها 4 خطووط إنتاج وكنا بنلاقي الموبايلات مكتوب عليها
MADE IN FINLAND
MADE IN GERMANY
MADE IN HUNGRY
MADE IN KOREA
*آه صح كلامك مظبووووط وإيه الجديد في كدة
-ياعم اصبر عليا ما أنا جايلك في الكلام أهوه ... وكنا كلنا مش بتفرق معانا أوي إن النوكيا يبقى صنع فين وكان الواحد عمره ما بيقدر يفرق بينهم أبدا (ودا طبعا لأنهم كلهم نوكيا )
* مظبووط بس لما يبقى صنع في الصين......
- وماله لما يكون صنع في الصين ...موضوع الصين دا يا سيدي إننا كلنا سمعنا إن الصين فتحت خط إنتاج جديد في الصين ونقلت كل خطوطها هناك ودا طبعا عشان الأيدي العاملة رخيصة وكدة ....
*طب وهو يعني الصين عبيطة عشان تنقل كل مصانعها الصين وتكتب كمان على موبايلاتها صنع في الصين مع انها عارفة إن سمعتها وحشة أوي في الصناعة ...
-ماهو أنا كنت فاكر زيك كدة لغاية ما فهمت الموضوع كله صدفة ...
* صدفة ؟؟؟!! صدفة إزاي يعني ؟؟
-انا من كام شهر كدا كنت في أمريكا ونزلت أشتري كاميرا ديجتال ...لاقيت أغلب الكاميرات صنع في الصين وماركات مشهووورة جدا ساعتها إستغربت وسألت السيل مان ....قالي على فكرة الصين دي واخدة عندنا المركز التاني بعد اليابان وحاجتها على مستوى عالى من الجودة وقعد يشكرلي فيها للصبح ...وبس
*وساعتها اشتريت كاميرا ؟!!
-أه ياعم الحمد لله يعني هوا دا إللى همك في الموضوع قوي .....
*ها وبعدين انا مفهمتش حاجة برده ؟
-دا الطبيعي بتاعك ....المهم ان الموضوع دا دخل دماغي جدا ونزلت مصر قلت لاوم أجيب قراره فقعدت على النت وحبيت أعرف ليه الصين سمعتها وحشة أوي في مصر وسمعتها حلوة بره مصر؟؟؟؟!!!!!
*ها ولاقيت حاجة
-طبعا لاقيت بلاوي ....المشكلة كلها تكمن (حلوة تكمن دي ) في المستورد أو التاجر مش في المصنع ؟
*إزاي يعني ؟وايه اللي دخل التاجر في سمعة البلد ؟ انتا ليه بتتكلم بالألغاز كدة ؟!!
-يابني واللهي لا ألغاز ولا حاجة ...إنتا بس لو سيبتني أكمل ....
*أنا آسف ... كمل يا سيدي
-الموضوع ان مثلا الحاج أحمد (بالمناسبة أحمد طلع زي الحاج أحمد ) معاه شوية فلووس راح رايح الصين واتفق مع مصنع هناك إنه يعملو كاميرات ديجيتال ...فالمصنع سأله تحبها بكام ؟ فطبعا لإن عندنا الناس بتحب الحاجة الرخيصة مش مهم الجودة راح قايلهم 40$ وطبعا المصنع وافق على التمن وبدأ يصنع كاميرات ب 40$ وتم تصديرها إلى مصر
وطبعا الحاج أحمد كان بيبعها ب100$ ودا طبعا سعر ممتاز جدا لكاميرا ديجيتال ....والكاميرا مكتوب عليها إيه ((صنع في الصين ))
*لأ متفكرنيش بالكلمة دي أصل أنا من قيمة شهر كدة جبت جهاز ريسيفر مكتوب عليه صنع في الصين واشتغل اسبوعين وبعدين لقيته ضرب ...
-أهو أديك قلت إللي أنا كنت عاوز أقوله إن الصين بتصنع حاجات بأسعار زهيدة وتكون شغاله برده (انا في رأيي ان دا تميز برده )بس بتبووظ بسرعة لأن مفيش جودة فهمت
*آآآآآآآآآآآآه فهمت ....يعني الحاج أحمد هو إللي جايب الريسيفر دا من الصين ...
-ياااااااااااااااااااااهأنا أعمل إيه بس في غباوتك ديا ...يابني إلحاج أحمد دا مثال ..
*آه ....سوري فهمت فهمت
- سوري ايه يا راجل بعد ما حرقت دمي ....المهم انا كنت عاوز أبينلك إزاي ممكن تلاقي كاميرا ب 500$ صيني وكاميرا ب 100$ دولار صيني برده
*آآآآآآآآآآآآآآآآه ..بس دا إيه علاقته بالموضوع ؟؟!!هو في كاميرات نوكيا ؟؟؟؟
-ياااااااااه غبي وهتفضل طول عمرك غبي يابني أنا بمثلك بمثال يعني ...
يعني الموبايل النوكيا إللى مكتوب عليه صنع في الصين زي الموبايل النوكيا اللي مكتوب عليه صنع في فنلندا بالظبط لأنك بتشتري الموبايل من نوكيا ودا إسم تجاري معرووف في السوق وليه تقله وملتزم بمعايير جودة وتكنولوجيا معينة ودقة لاوم تلتزم بيها انشالله بقى الجهاز مكتوب عليه صنع في مصر (دا بيبقى خط إنتاج معمول تحت رقابة نوكيا وبمعايير الجودة بتاعتها ) فاهمني ...
*آآآآآآآآآآآآه يعني الموبايل ال nokia N82 المصنوع في الصين زي Nokia N82 اللي مصنوع في فنلندا ...
- يارب أخيرا فهمت الحمد لله
* أمال صاحبي دا قاللي هجيبلك واحد فنلندي إزاي مادام إنتا بتقول إن كل الموبايلات اللي نازلة دلوقتي صنع في الصين
- الموبايلات اللي مكتوب عليها صنع في فنلندا دي بتبقى من خط انتاج فنلندا أو معاه من قبل ما خط انتاج الصين يبدأ يشتغل فمكتوووب عليه صنع في فنلندا
*أمال ليه فرق السعر دا ؟؟؟أدام دا زي دا بالظبط ؟
-فرق السعر دا بيبقى إستغلال من بعض التجار للشعب المصري اللي زيك إللي فاكرين إن أي حاجة مكتوب عليها صنع في الصين تبقى حاجة وحشى بيعلو سعر الفنلندي على إنه أصلي وكدة إنتا فاهم بقى ...
*آآآآه فهمت يعني أنا أقدر دلوقتي أشتري الموبايل اللي مكتوب عليه صنع في الصين وانا مستريح
- طبعا عادي لأنك وبكررها (مبتشتريش من البلد )إنتا بتشتري من نوكيا ...وجرب كدة وهات الفنلندي والصيني وقارن مابينهم هتلاقيهم زي بعض تبيكال كل حاجة حتى العلبة دا حتى لو انتا لخبطهم مش هتعرف تفرقهم من بعض (دي بقى اسمها معايير الجودة )
*آه فهمت دلوقتي ...ربنا يخلييك يا بو حميد انك فهمتني النقطة دي
-ربنا يخليك وانا دايما في الخدمة
00000000000000000000000000000000000000000000000000 00000000000000000000000000
طبعا الموضوع خلص بعد الرغي الكتيييييير اللي فوق دا حبيت أوضح كذا حاجة كدة

00أنا بتكلم على الموبايلات النوكيا الأصلية إللى مصنوعة في الصين مش التقليد وأكيد بيبان الفرق
000وع العموم نوكيا دلوقتي مبتنزلش جهاز إلا ومكتوب عليه صنع في الصين
000إشتري وانتا مطمن عشان زي ماقلت وبكررها (إنتا بتشتري من نوكيا بضمان نوكيا مش من الصيييييييييين )

ياريت كله يدخل يكتب رأيك ونناقش
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://amrbrans2002.3arabiyate.net
 
مناقشة عن النوكيا (خط انتاج الصين ) ..أرجو التثبيت
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
amrbrans2009 :: منتدى العرض-
انتقل الى: